wolkom

Op 18 maart 2017 ha Brigitte Duin en Jelle van der Meulen in galery foar hjoeddeiske keunst iepene yn Koudum (Hoofdstraat 26). Dêr is permanint wurk fan Brigitte Duin te sjen en te keap, neist wurk troch ferskate oare keunstners.

Yn de earste twa jierren makken se noch in soad gebrûk fan harren keunstnetwurk út de âlde omjouwing (Castricum en omkriten), mar yn 2019 komme de measte eksposanten út de noardlike provinsjes. Wol meitsje Brigitte en Jelle sa út en troch ek romte foar keunstners út (Sieuwsk-)Flaanderen en sels Frankryk.

Fan healwei maart oant healwei septimber binne yn Galerie Lytse Skientme fjouwer eksposysjes te sjen, mei hieltiid trije byldzjende keunstners. Dêrnjonken is altiten wurk yn foarrie fan ferskate oare keunstners.

WINTEREKSPOSYSJE

Skilderijen fan Brigitte Duin,  keramyk  fan Hélène van Dongen en brûns fan Jean Kamps.

 

Mear keunst yn Koudum:

  • By it Beeldhouwcentrum – oan it begjin fan ‘e Hoofdstraat – binne bylden te sjen en te keap, plus allerhanne byldhoumaterialen. Ek wurde kursussen en workshops joun.

 

  • Atelier-galerie 13 Manen is by ús om ‘e hoeke (Hoofdstraat 37A). Mei byldhouwurk en skilderijen fan Gerda Veldman en kaarten en tekeningen fan Kait Moon.

 

  • Galery Kunst in Beweging yn ‘e Hoofdstraat nûmer 1, tsjin it Beeldhouwcentrum oer. Mei wurk fan byldzjend wurdkeunstner Connie Harkema. Ek fertsjinwurdiget de galery matearykeunstner Wim Zorn foar de Fryske Súdwesthoeke. Yn ‘e simmer wikseljende gasteksposysjes.

 

  • Neist ús (op nûmer 24) sit it Lunch Atelier Koudum. Foar in lekkere cappuccino (mei taart), brochje of pankoek. En mei keunst oan ‘e muorren en gauris musyk.